رمضان المبارک: گیارہویں دن کی دعا

رمضان-المبارک-گیارہویں-دن-کی-دعا

 

شفقنا (بین الاقوامی شیعہ  خبر رساں ادارہ)-

گیارہویں دن کی دعا:

اَللّٰھُمَّ حَبِّبْ إِلَیَّ فِیہِ الْاِحْسانَ وَکَرِّہْ إِلَیَّ فِیہِ الْفُسُوقَ وَالْعِصْیانَ

اے معبود! آج کے دن نیکی کو میرے لئے پسندیدہ فرما دے اس میں گناہ و نا فرمانی کو میرے لئے نا پسندیدہ بنا دے

وَحَرِّمْ عَلَیَّ فِیہِ السَّخَطَ وَالنِّیرانَ، بِعَوْ نِکَ یَا غِیاثَ الْمُسْتَغِیثِین

اور اس میں غیظ و غضب کو مجھ پر حرام کر دے اپنی حمایت کے ساتھ اے فریادیوں کے فریاد رس۔

 

شفقنا اردو
www.shafaqna.com/urdu

بین الاقوامی یکجہتی فلسطین کانفرنس زیر اہتمام فلسطین فاؤنڈیشن۔ تصویری رپورٹ

بین-الاقوامی-یکجہتی-فلسطین-کانفرنس-زیر-اہتمام-فلسطین-فاؤنڈیشن۔-تصویری-رپورٹ

شفقنا (بین الاقوامی شیعہ  خبر رساں ادارہ)- فلسطین فاؤنڈیشن کے زیر اہتمام وفاقی دارلحکومت اسلام آباد میں بین الاقوامی یکجہتی فلسطین کانفرنس کا انعقاد کیا گیا۔ کانفرنس میں ملکی و غیرملکی شخصیات نے شرکت کی اور غاصب صیہونی ریاست کے خلاف بھرپور صداٗے احتجاج بلند کی۔ ان کا کہنا تھا کہ اسرائیل کی بربریت، جنگی جرائم، فلسطینی رہنماؤں کی ٹارگٹ کلنگ اور فلسطینی عوام کا قتل عام کسی سے ڈھکا چھپا نہیں ہے اور اس وقت گیارہ ہزار سے زیادہ فلسطینی مرد و خواتین، بچے و بوڑھے اسرائیل کی جیلوں میں غیر قانونی طور پر سزائیں بھگت رہے ہیں۔ کانفرنس کی صدارت انچارج فلسطین انتفاضہ کانفرنس ایران ڈاکٹر حسین شیخ الاسلام نے کی اس موقع پر حزب اللہ لبنان کے رہنما و سربراہ قدس ایسوسی ایشن ڈاکٹر حیدر دتمار اور انچارج سیاسی امور ڈاکٹر احمد ملک مہمانان خصوصی تھے۔
شفقنا اردو
www.shafaqna.com/urdu

پرامن مظاہرین پر بحرینی سیکورٹی فورس کے حملے میں متعدد افراد زخمی

پرامن-مظاہرین-پر-بحرینی-سیکورٹی-فورس-کے-حملے-میں-متعدد-افراد-زخمی

شفقنا (بین الاقوامی شیعہ  خبر رساں ادارہ)- بحرين ميں سيکورٹي اہلکاروں نے پر امن مظاہرين پر حملہ کرکے دسيوں افراد کو زخمي کرديا ہے۔ بحرين ميں جمہوريت اور آزادي کے حق ميں مطالبات کو لے کر جاري مظاہروں کا سلسلہ بدستور جاري ہے۔ خبروں کے مطابق بحريني حکومت کے کارندوں نے جمہوريت اور آزادي کے حق ميں مظاہرے کرنےوالے پرامن شہريوں پر طاقت کا بے دريغ استعمال کرکے کم ازکم پچيس مظاہرين کو زخمي کرديا۔بحرين ميں  عام شہريوں اور انقلابيوں کا کہنا ہے کہ سيکورٹي اہلکار مظاہرين کو کچلنے کے لئے جديد ترين ہتھياروں کا استعمال کرتے ہيں جو انہيں امريکا فراہم کررہا ہے۔ سحر ٹی وی کے مطابق تازہ ترين مظاہرے کے دوران بحريني عوام نے ايک بار پھر اپنے اس عزم کا اعلان کيا کہ وہ انقلاب کي کاميابي اور مطالبات پورے ہونے تک اپنے مظاہرے جاري رکھيں گے۔ بحرين کے انقلابيوں نے اتوار اور پير کي رات بحريني جيلوں ميں بند سياسي قيديوں سے اظہار يکجہتي کے لئے مختلف شہروں منجملہ دارالحکومت منامہ ميں زبردست مظاہرہ کيا مظاہرين نے منامہ کي سڑکوں کو کافي دير تک بند رکھا اور نعرے لگارہے تھے کہ آل خليفہ حکومت کو ہر حال ميں جانا ہوگا۔ بحرين ميں گذشتہ برس فروري سے آل خليفہ حکومت کي استبدادي اور ظالمانہ پاليسيوں کے خلاف پرامن مظاہرے جاري ہيں جن کے دوران اب تک سيکڑوں بحريني شہري شہيد اور گرفتار کئے جاچکے ہيں۔ جن ميں مرد، خواتين اور بچے  سبھي شامل ہيں۔
شفقنا اردو
www.shafaqna.com/urdu

مغرب نواز دہشت گردوں کو شام میں داخل کرنے کے لئے ترکی نے اپنی فوجوں کو شامی سرحد پر روانہ کردیا

مغرب-نواز-دہشت-گردوں-کو-شام-میں-داخل-کرنے-کے-لئے-ترکی-نے-اپنی-فوجوں-کو-شامی-سرحد-پر-روانہ-کردیا

شفقنا (بین الاقوامی شیعہ  خبر رساں ادارہ)- ترکی نے مغرب نواز دہشت گردوں کو شام میں داخل کرنے کے لئے اپنی فوجوں کو شامی سرحد پر روانہ کردیا ہے ذرائع کے مطابق  شام میں دہشت گردانہ کارروائی کے لئےترکی ، امریکہ ، سعودی عرب اور قطر کے تعاون سے دہشت گردوں کو تربیت دے کر شام میں داخل کررہا ہے۔ ذرائع کے مطابق ترکی شام کے خلاف امریکی اشاروں پر جنگ مسلط کرنے کی تیاری کررہا ہے۔ مہر کے مطابق ترکی کی حزب اختلاف کے رہنما نے ترک وزیر اعظم پر شدید تنقید کرتے ہوئے کہا ہے کہ ترک وزیر اعظم رحج طیب اردوغان امریکی فرمان پر عمل کررہے ہیں۔
شفقنا اردو
www.shafaqna.com/urdu

پاکستان:‌لوڈشیڈنگ کیخلاف مختلف شہروں میں احتجاجی مظاہرے جاری

پاکستان‌لوڈشیڈنگ-کیخلاف-مختلف-شہروں-میں-احتجاجی-مظاہرے-جاری

شفقنا (بین الاقوامی شیعہ  خبر رساں ادارہ)- لوڈشیڈنگ کے خلاف ملک کے مختلف شہروں میں احتجاجی مظاہروں کا سلسلہ جاری ہے۔ ایبٹ آباد میں مظاہرین نے واپڈا کے دفتر کو آگ لگادی۔موسم گرما میں 15 گھنٹے کا روزہ اور واپڈا کے وعدے، اور پھر وعدہ خلافیوں نے عوام کو مجبور کردیا ہے کہ وہ روزے کی حالت میں عبادات کے بجائے احتجاج کریں۔ایبٹ آباد کے علاقے حویلیاں میں تاجروں نے لوڈشیڈنگ کے خلاف مظاہرہ کیا جس کے باعث شاہراہ قراقر م ،ایوب پل،دوراہا اورسلطان پورکے قریب ٹریفک معطل ہوگئی۔ مشتعل مظاہرین نے سلطان پور میں واپڈا کے دفتر میں توڑ پھوڑ کے بعد آگ بھی لگادی۔ منڈی بہاوٴالدین کے علاقے مانگٹ میں غیر اعلانیہ لوڈشیڈنگ کیخلاف مظاہرین نے خوب ہنگامہ آرائی کی۔ سڑکوں کو ٹریفک کے لئے بند کرکے ٹائر جلائے۔ ڈنڈا بردار مظاہرین کے پتھراوٴ سے کئی گاڑیوں کو شدید نقصان بھی پہنچا۔ ملتان میں بجلی کی غیر اعلانیہ لوڈ شیڈنگ کے خلاف تاجروں اور شہریوں نے مظاہرہ کیا۔ اس دوران مشتعل مظاہرین نے گلگشت سب ڈویژن کا گھیراوٴ کرنے کی کوشش کی جس پر پولیس اور مظاہرین میں جھڑپ سے کئی افراد زخمی ہوگئے۔ کوہاٹ میں پنڈی روڈ گرڈ اسٹیشن کے قریب شہریوں نے لوڈشیڈنگ کے خلاف ڈندے اٹھا کر احتجاج کیا۔ انہوں نے واپڈا حکام کے خلاف شدید نعرے بھی لگائے۔ چارسدہ میں غیر اعلانیہ لوڈشیڈنگ کیخلاف تورنگ زئی اور شبقدر سمیت مختلف علاقوں میں شہریوں کا احتجاج جاری ہے۔ مظاہرین نے دھرنا دے کر پشاور چارسدہ موٹروے دریائے کابل کے مقام پر بندکردیا ہے۔ اس کے علاوہ خیبرپختون خوا ، سندھ ، پنجاب اور بلوچستان کے دیگر علاقوں میں بھی لوڈشیڈنگ کے ستائے عوام نے احتجاج مظاہرے کئے۔بعض علاقوں میں تو سحر و افطار کے اوقات بھی اندھیرا چھایا رہتا ہے۔ ماہ صیام کے دوران لوڈشیڈنگ میں کمی کے دعووٴں اور عودوں کے باجود شہروں میں کم از کم 10 سے 12 جبکہ دیہات میں 16 سے 18 گھنٹے کی لوڈشیڈنگ کی جارہی ہے۔ جیونیوز
شفقنا اردو
www.shafaqna.com/urdu

بزرگ عالم دین آغا علی الموسوی انتقال کر گئے

بزرگ-عالم-دین-آغا-علی-الموسوی-انتقال-کر-گئے

شفقنا (بین الاقوامی شیعہ  خبر رساں ادارہ)- بزرگ شیعہ عالم دین حجتہ الاسلام  و المسلمین علامہ آغا علی الموسوی اندرون موچی گیٹ لاہور میں انتقال کر گئے ہیں۔ وہ کافی عرصہ سے علیل تھے۔ سحری کے وقت نماز شب کی ادائیگی کے لئے اٹھے تھے کہ خالق حقیقی سے جا ملے۔ انہوں نے تین بیوگان، بیٹے اور بیٹیاں سوگوار چھوڑی ہیں۔ وہ شیعہ جامع مسجد کشمیریاں کے امام آغا حیدر علی الموسوی اور آغا مظاہر حسین موسوی کے والد گرامی تھے۔ آغا علی الموسوی قائدین ملت جعفریہ مفتی جعفر حسین مرحوم، علامہ شہید عارف حسین الحسینی اور علامہ ساجد علی نقوی کے قریبی رفقا میں سے رہے ہیں۔ مجلس وحدت مسلمین کو بھی ان کی سرپرستی حاصل تھی۔ مرحوم کی نماز جنازہ باغ بیرون موچی گیٹ لاہور میں ادا کی جائے گی۔ مرحوم علامہ موسوی متعدد شیعہ تنظیموں کے بانی اور سر پرست تھے۔ خصوصاً امامیہ اسٹوڈنٹس آرگنائزیشن پاکستان کے بانی علما اور سرپرستوں میں سرفہرست تھے۔ آئی ایس او کا نام بھی انہوں نے قرآنی استخارہ سے رکھا۔ وہ اپنی زندگی کی آخری سانسوں تک آئی ایس او کی مجلس نظارت کے مستقل رکن اور مالی حوالے سے بھی اس طلبہ تنظیم کی مدد کرتے رہے ۔ ہزارہ ٹرایب کے مطابق علامہ آغا علی الموسوی کی وفات پر مختلف سیاسی، مذہبی اور سماجی رہنماوں نے شدید غم کا اظہار کیا ہے۔ شیعہ علما کونسل کے سربراہ علامہ ساجد علی نقوی، مجلس وحدت مسلمین کے سیکرٹری جنرل علامہ راجہ ناصر عباس، امامیہ اسٹوڈنٹس آرگنائزیشن کے مرکزی صدر اطہر عمران، جعفریہ اسٹوڈنٹس آرگنائزیشن کے مرکزی صدر ساجد علی ثمر، اور دیگر رہنماوں نے علامہ آغا علی الموسوی کے انتقال پر اظہار افسوس کرتے ہوئے اسے قومی سانحہ قرار دیا ہے۔ ان کا کہنا تھا کہ ملت اسلامیہ ایک جید عالم دین اور متحرک رہنما سے محروم ہو گئی ہے۔ ان کا خلا صدیوں پر نہیں ہو سکے گا۔ انہوں نے مرحوم کے خانوادے اور ملت اسلامیہ سے اظہار تعزیت کیا ہے۔آئی ایس او لاہور ڈویژن کے صدر ناصر عباس نے آغا علی الموسوی کے انتقال پر اظہار افسوس کرتے ہوئے کہا کہ امامیہ اسٹوڈنٹس آرگنائزیشن شفیق باپ سے محروم ہو گئی ہے۔
شفقنا اردو
www.shafaqna.com/urdu

ملک ترقی و پیشرفت کی راہ پر جانب گامزن ہے اور ایرانی قوم کے لیے اس میں کوئي مشکل اور رکاوٹ موجود نہیں

ملک-ترقی-و-پیشرفت-کی-راہ-پر-جانب-گامزن-ہے-اور-ایرانی-قوم-کے-لیے-اس-میں-کوئي-مشکل-اور-رکاوٹ-موجود-نہیں

شفقنا (بین الاقوامی شیعہ  خبر رساں ادارہ)- رہبر معظم انقلاب اسلامی حضرت آیت اللہ العظمی خامنہ ای نےعلم و سائنس و ٹیکنالوجی  کے شعبہ سے منسلک  ماہرین ، محققین  ، سائنسدانوں  اور علمی بنیاد پر قائم کمپنیوں  اور سائنس و ٹیکنالوجی پارک کےحکام سے ملاقات میں علم کو ملک کے لئے ابلتا ہوا دائمی  چشمہ قراردیا اور قومی تشخص کے ارتقاء میں علم و دانش کی بنیاد پر استوار معیشت و اقتصاد، اور ملک کے سیاسی اقتدار اور استقلال کی طرف اشارہ کرتے ہوئے فرمایا: ایران ، آج ایک یادگار تاریخی اور احساس مرحلے پر پہنچ گیا ہے لہذا ذمہ داریوں کی صحیح شناخت اور ان پر عمل کے ذریعہ ایرانی قوم یقینی طور پر اپنے درخشاں اور نوید بخش اہداف تک پہنچ جائےگی۔ رہبر معظم انقلاب اسلامی نے فرمایا: ملک  پیشرفت و ترقی کی جانب گامزن ہے اور ایرانی قوم کی پیشرفت و ترقی میں کوئي مشکل اور رکاوٹ موجود نہیں ہے۔ رہبر معظم انقلاب اسلامی نے اعلی و درخشاں اہداف کی جانب ملک کی پیشرفت میں بعض سیاسی، اقتصادی اور تبلیغاتی  دباؤ کی جانب اشارہ کرتے ہوئے فرمایا: ایرانی قوم پختہ عزم و ارادے اور ہمت کے ساتھ اپنے مورد نظر اہداف تک پہنچنے کے لئے مصمم ہے۔  رہبر معظم انقلاب اسلامی نے فرمایا: ایرانی قوم میدان کی وسط میں ہے اور ایرانی قوم کے ارادوں  اور توانائیوں کے مقابلے میں دباؤ اور مشکلات ناچیز ہیں۔
رہبر معظم انقلاب اسلامی نے  موجودہ مرحلے کو زحمت اور محنت کے ہمراہ ایک بانشاط اور  شوق آفرین مرحلہ قراردیتے ہوئے فرمایا: اسلامی جمہوریہ ایران کے  لئے موجودہ مرحلہ کھیل کےمقابلوں کے میدان کی طرح ہے جو محنت،  تھکاوٹ اور خدشات کے باوجود کھلاڑیوں کے لئے  شوق و نشاط کا باعث ہے اور کھلاڑی اس میں شوق و نشاط اور بھر پور عزم کے ساتھ حاضر ہوتے ہیں۔ رہبر معظم انقلاب اسلامی نےمزاحمتی معیشت و اقتصاد پر سنجیدگی سے عمل کو موجودہ فیصلہ کن اور احساس  مرحلے سے عبور کرنے کی ایک راہ قراردیتے ہوئے فرمایا: مزاحمتی اقتصاد کوئی نعرہ نہیں ہے بلکہ ایک واقعیت اور حقیقت ہےجسے محقق ہونا چاہیے۔ رہبر معظم انقلاب اسلامی نے فرمایا: علم و دانش کی بنیاد پر استوار کمپنیاں  مزاحمتی اقتصاد کے بہترین اور مؤثر ترین عناصر میں شامل ہیں جو مزاحمتی معیشت و اقتصاد کومزید  پائداربنا  سکتی ہیں۔ رہبر معظم انقلاب اسلامی نے علم و دانش کی بنیاد پر ثروت کی پیداوار کو اقتصادی  اور معیشتی رشد کا حقیقی ضامن قراردیتے ہوئے فرمایا: اگر علم و دانش کی بنیاد پر قائم کپمپنیوں کو سنجیدگی سے لیا جائے اور ان کی کمی اور کیفی لحاظ سے حمایت کی جائے، تو علم کے ذریعہ ثروت کی پیداوار سے  ملک کی معیشت و اقتصاد میں حقیقی رونق پیدا ہوجائےگی۔ رہبر معظم انقلاب اسلامی نے تیل جیسے ختم ہونے والے وسائل کی بنیاد  پر معیشت کے استوار ہونے کو خود فریبی اور دھوکہ دہی  قراردیتے ہوئے فرمایا: خام مواد کی فروخت در حقیقت ایک جال ہے جو انقلاب سے پہلے کے برسوں سے میراث میں ملا ہے افسوس کہ ملک اس میں گرفتار ہوکر رہ گیا ہے۔ اور اس فریب سے نجات حاصل کرنے کے لئے تلاش و کوشش کرنی چاہیے۔
رہبر معظم انقلاب اسلامی نے تیل کے کنوؤں کو اختیار کے ساتھ بند کرنے اور معدنی و خام مواد کی فروخت پر پابندی عائد کرنے کو بہت ہی اہم قراردیتے ہوئے فرمایا: علم و دانش کی بنیاد پر استوار کمپنیوں کے ذریعہ اس مرحلے تک پہنچنا ممکن ہے۔ رہبر معظم انقلاب اسلامی نے  سائنس و ٹیکنالوجی کے شعبہ سے متعلق صدارتی ادارے میں انجام پانے والے اقدامات  کو بہت ہی مؤثر اور امید افزاقراردیتے ہوئے فرمایا: بعض مشکلات  اور خامیاں بھی موجود ہیں جنھیں فوری طور پر پہچان کر برطرف کرنا بہت ضروری ہے۔ رہبر معظم انقلاب اسلامی نے محققین اور سائنسدانوں کی جانب سے پیش کئے گئے موضوعات، مالی اداروں اور بینکوں کی جانب سے قدیمی اور سنتی توثیقی سسٹم اور علم کی بنیاد پر قائم کمپنیوں کی حمایت کے لئے بیمہ کے فقدان کو منجملہ خامیاں اور کمزوریاں قراردیتے ہوئے فرمایا: حکومتی اداروں کو چاہیے کہ وہ اختراعات پر نظارت اور ممتاز و خلاق ماہرین  کی شناخت کے ساتھ  ان کی حمایت کریں اور نئی علمی کمپنیوں  کو تاسیس کرنےکی راہ ہموار کریں۔ رہبر معظم انقلاب اسلامی نے ماہر افراد کی شناخت اور انھیں جذب کرنے کے لئے غیر ملکی سرمایہ کاری  کی طرف اشارہ کیا اور اس عمل کو منطقی طریقے ، تشویق اور ضروری حمایتوں کے ذریعہ روکنے پر تاکید کرتے ہوئے فرمایا:  علمی بنیاد پر قائم کمپنیوں کو ایک مسئلہ یہ درپیش ہے کہ  ان کمپنیوں کی حمایت کے بارے میں قانون نافذ اور اجراء نہیں ہوا ہے اور  ا نکے آئین نامہ کو جلد از جلد ابلاغ کرنا چاہیے۔ رہبر معظم انقلاب اسلامی نے ملک کی علمی توانائیوں کی پہچان کے لئے  معلوماتی بینک  کی تشکیل، خامیوں کی شناخت و پہچان، علم و دانش کی بنیاد پر قائم کمپنیوں کے فروغ ،  علم و دانش کی بنیاد پر قائم کمپنیوں کے خصوصی اور نجی سیکٹر کی تقویت  کے موضوعات پر بھی تاکید کی۔ رہبر معظم انقلاب اسلامی حضرت آیت اللہ العظمی خامنہ ای نے علم و دانش کی بنیاد پر کمپنیوں کے ذریعہ  ملک کے اقتصاد کی پیداوار کو حقیقی اقتصاد تک پہنچنے کا راستہ اور اسی طرح خود اعتمادی کے جذبے کی تقویت، قومی تشخص اور سرانجام سیاسی طاقت و قدرت کا باعث قراردیتے ہوئے فرمایا: اس سلسلے میں ضروری راہیں ہموار کرنے کے ذریعہ ممتاز اور ماہر علمی شخصیات اور سائنسدانوں کو  علم و دانش کی بنیاد پر کمپنیاں تشکیل دینے کے لئے تشویق کرنی چاہیے۔ رہبر معظم انقلاب اسلامی نے فرمایا: پانچویں منصوبہ کے پیش نظر،علم و دانش  کی بنیاد پر 20 ہزار کمپنیوں کی تشکیل سے بالا تر افق کو مد نظر رکھنا چاہیے۔ اس ملاقات کے آغاز میں  سائنس و ٹیکنالوجی کے شعبے سے متعلق 10 ممتاز ماہرین و محققین اور سائنسدانوں اور علم و دانش کی بنیاد پر قائم کمپنیوں کے حکام نے  اپنے خیالات اور نظریات پیش کئے۔ مہرنیوز
شفقنا اردو
www.shafaqna.com/urdu

میانمار میں مسلم خواتین کے ساتھ ظلم کی انتہا

میانمار-میں-مسلم-خواتین-کے-ساتھ-ظلم-کی-انتہا

شفقنا (بین الاقوامی شیعہ  خبر رساں ادارہ)- میانمار میں مسلمان خواتین کی ہتک حرمت اور مسلمان مردوں اور عورتوں سے بیگار لینا مسلمانوں کےخلاف جاري ظلم و ستم کی ایک عام صورت ہے۔ پریس ٹی وی کی رپورٹ کے مطابق میانمار کی سکیورٹی فورسز مسلمان خواتین کو ایذائيں پہنچاتی ہیں اور انہیں جنسی تشدد کا نشانہ بنایا جاتا ہے۔ اس رپورٹ کے مطابق بہت سی مسلمان خواتین کو زور زبردستی اٹھا لیا جاتا ہے اور جنسی زیادتی کے بعد انہیں واپس گھر بھیج دیا جاتا ہے جس کے نتیجے میں یہ بے کس خواتین ساری عمر حقارت آمیز زندگي گذارتی ہیں۔ شادی شدہ عورتوں کی صورتحال مزید بدتر ہے انہیں نامعلوم مقامات پر لے جاکر ان سے بیگار لیا جاتا ہے اور کسی قسم کی مزدوری نہیں دی جاتی، بعض اوقات تو بہت سی خواتین کبھی بھی گھر لوٹ کر نہیں آتیں۔ میانمار میں مسلمان مردوں کو سرکاری نوکری نہیں دی جاتی، انہیں سکیورٹی فورسز اغوا کرلیتی ہیں جس کے نتیجے میں وہ لاپتہ ہوجاتے ہیں۔ مسلمان مرد صرف کھیتوں میں کام کر سکتے ہیں اور فصل کٹنے کے بعد حکومت ان سے پچاس فیصد فصل زبردستی لے لیتی ہے ۔ میانمار کی حکومت نے مسلمانوں کے خلاف نہایت غیر انسانی رویے اپنا رکھے ہیں۔ بیگار لیاجانا، مسلمان خواتین کی بے حرمتی، انہیں ہر طرح کے انسانی حقوق سے محروم رکھنا وغیرہ ایک مدت سے رائج ہے۔ ریڈیو تہران
شفقنا اردو
www.shafaqna.com/urdu

بھارت: ٹرین میں آگ لگنے سے47 افراد ہلاک

بھارت-ٹرین-میں-آگ-لگنے-سے47-افراد-ہلاک

شفقنا (بین الاقوامی شیعہ  خبر رساں ادارہ)- بھارت میں تامل ناڈو ایکسپریس میں آتشزدگی سے ہلاک ہونے والوں کی تعداد سینتالیس ہو گئی۔ بھارتی میڈیا کے مطابق آگ شارٹ سرکٹ کے باعث ایک بوگی میں لگی۔ جو دیکھتے ہی دیکھتے دوسری بوگیوں میں پھیل گئی۔ جھلس کر زخمی ہونے والے اٹھائیس افراد کو مختلف اسپتالوں میں داخل کرادیا گیا ہے۔ حکام نے ہلاکتوں میں اضافے کا خدشہ ظاہر کیا ہے۔
شفقنا اردو
www.shafaqna.com/urdu

برما:‌مسلمانوں کے قتل عام میں سرکاری اسلحہ کا استعمال، تعليم يافتہ مسلمانوں کی گرفتاریاں، مسلم خواتين سے زيادتيوں کا سلسلہ جاری

برما‌مسلمانوں-کے-قتل-عام-میں-سرکاری-اسلحہ-کا-استعمال،-تعليم-يافتہ-مسلمانوں-کی-گرفتاریاں،-مسلم-خواتين-سے-زيادتيوں-کا-سلسلہ-جاری

شفقنا (بین الاقوامی شیعہ  خبر رساں ادارہ)- ميانمار کے مسلم رہنما نے کہا ہے کہ انتہا پسند بودھسٹ سيکورٹي فورس کے اسلحے سے مسلمانوں کا قتل عام کر رہے ہيں ـ ترکي کے شہر استانبول کے دورے پر جانے والے ميانمار کے مسلم رہنما ڈاکٹر محمد يونس نے فارس نيوز ايجنسي سے انٹرويو ميں ميانمار ميں مسلمانوں کے قتل عام کي تازہ صورت حال بيان کي ـ ڈاکٹر يونس نے کہا کہ انتہا پسند بودھسٹ مقامي حکام کي بھرپور حمايت سے مسلمانوں کے گھروں کو لوٹ رہے ہيں اور سيکورٹي فورس سے ملنےوالے اسلحے سے مسلمانوں کا قتل عام کر رہے ہيں ـ انہوں نے بتايا کہ مسلمانوں کے خلاف جاري مظالم کو حکومت کي بھرپور پشت پناہي حاصل ہےـ ميانمار کے مسلم رہنما محمد يونس نے بتايا کہ ماضي ميں بھي ملک ميں ايسے ہي قتل عام ہو چکے ہيں ـ انہوں نے مزيد بتايا کہ تازہ قتل عام تين جون سے شروع ہوا ہے جو تاحال جاري ہےـ ڈاکٹر يونس کہا کہ بودھسٹوں کے ہاتھوں مسلمانوں کے قتل عام کي ايک وجہ بنگلہ ديش کي حکومت کي کمزوري اور دوسري اہم وجہ مسلم ممالک اور انساني حقوق کے دعويدار مغربي حکومتوں کي خاموشي ہےـ ڈاکٹر محمد يونس نے کہا کہ بودھسٹ اپنے درميان مسلمانوں کو برداشت نہيں کرنا چاہتے يہي وجہ ہے کہ تعليم يافتہ مسلمانوں کو گرفتار کرکے نامعلوم مقام پر منتقل کر ديتے ہيں اور مسلم خواتين سے زيادتياں کرتے ہيں ـ انہوں نے بتايا کہ اب تک پانچ لاکھ سے زائد برمي مسلمان بنگلا ديش ميں پناہ لے چکے ہيں ــ سحر
شفقنا اردو
www.shafaqna.com/urdu